Az sanliq millet kadirlirini terbiyilesh kursi échilghanliqining 50 yilliqi tebriklendi


2004.09.21

Xitay kompartiyisi merkizi partiye mektipi az sanliq millet kadirlirini terbiyilesh kursi échilghanliqining 50 yilliqini tebriklesh yighini 9 -ayning 20 - küni merkizi béyjingdiki partiye mektipide ötküzülgen.

Yighin'gha qatnashqan kattiwashlar ayrim - ayrim söz qilip, az sanliq millet kadirlirini yétishtürüshning muhimliqini, bolupmu ding shawping nezeriyisi we " üchke wekillik qilish" muhim idiyisi arqiliq sinaqlargha berdashliq béreleydighan az sanliq millet kadirlirini terbiyileshni tekitligen.

Yighinda Uyghur aptonom rayonluq partkom, xelq hökümitige wakaliten söz qilghan wang léchüen, merkizi hökümetning shinjanggha köngül bölgenlikige, merkizi partiye mektipining 50 yildin buyan az sanliq millet kadirlirini terbiyelep bergenlikige alahide minnetdarliq bildürgen. U sözide yene "az sanliq millet kadirliri siyasiy köz qarishini kücheytishi herqandaq murekkep weziyette bashtin - axir méngisini segek tutup, milliy bölgünchilikke bayriqi roshen halda qarshi turup, wetenning birlikini qoghdishi kérek" dégen.

Xewerlerdin melum bolishiche, 50 yildin buyan merkizi partiye mektipining shinjang sinipi türlük terbiyilesh kursidin 45 qarar échip, kadirlardin 2 ming 285 adem (qétim) terbiyelep chiqqan. Buning ichide Uyghurlarni asas qilghan xitay bolmighan millet kadirliri 1 ming 882 ge yétidiken.

Dunya Uyghur qurultiyining bayanatchisi dilshad réshit, xitay hökümitining, xitay bolmighan millet kadirlirini terbiyelep oqutushtiki meqsiti, öz xelqini basturalaydighan yeni öz qoli bilen özini uralaydighan we xitay hökümiti üchün xizmet körsitidighan bir türküm chaparmenlerni yétishtürüshtin ibaret dep körsetti. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.