Wang léchu'en qosh tilliq ma'aripni ching tutushni qayta tekitlidi

Xitay kompartiyisi merkizi siyasiy biyoro ezasi, Uyghur aptonom rayonining partkom sékritari wang léchu'en Uyghur élidiki barliq ma'arip idarisi sékritarliri we bashliqlirigha élip bérilghan öginish kursida söz qilip, Uyghur élining muqimliqi we tereqqiyatining ma'aripqa tayinidighanliqi, ma'aripning asasiy we muhim nuqtisi bolsa, pütün küch bilen az sanliq millet qosh tilliq ixtisas igilirini yaritish ikenlikini tekitlidi.

" Shinjang iqtisad géziti" bergen xewerde körsitilishiche, bu yighin'gha yene, Uyghur aptonom rayoni partkomining mu'awin sékritari, aptonom rayon re'isi ismayil tiliwaldi we mu'awin partkom sékritari nur bekri qatnashqan.

Wang léchu'en yighinda, nöwette Uyghur élidiki eng muhim wezipining, az sanliq milletlerdin qosh tilda yétishken ixtisas igilirini yétildürüsh ikenlikini, shunga Uyghur élining her qaysi jayliridiki ma'arip orunlirining az sanliq millet rayonlirida ammini xitayche üginishke righbetlendürüp, az sanliq millet oqughuchiliri arisida xitayche oqutushni omumlashturushqa pütün küchi bilen tirishishi kéreklikini otturigha qoyghan.

Xewerde körsitilishiche, yighinda ismayil tiliwaldi ma'arip séstimisidiki barliq kadirlargha bir yürüsh telep we tekliplerni otturigha qoyghan, emma xewerde uning tepsilati bérilmigen.(Peride)