Ваң лечүән маарип саһәсидики идеологийә хизмитини күчәйтишни тәкитлиди


2004-12-01
Share

Хитай һөкүмитиниң уйғур аптонум райониға тәйинлигән партком баш секритари ваң лечүән маарип сепидә идеологийә җәһәттики муқимлиқни сақлаш хизмитини күчәйтидиғанлиқини оттуриға қойди.

У дүшәнбә күни уйғур аптонум райони бойичә ечилған аң вә идеологийә саһәсидики муқимлиқ хизмити йиғинида сөз қилип, " идеологийә саһәсидики муқимлиқни сақлаш хизмитини дөләт бихәтәрлики вә җәмийәт муқимлиқиға алақидар әң муһим хизмәт сүпитидә ишләш керәк , болупму маарип сепини чиң тутуп, яш - өсмүрләргә қаритилған сиясий идийиви тәрбийини алаһидә күчәйтиш керәк" дәп көрсәткән. Бирақ ваң лечүән давамлиқ түрдә тәкитләп келиватқан идеологийә саһәсидики үч хил күчләргә зәрбә беришни тилға алмиған.

Хитай һөкүмити 11 - сентәбир вәқәсидин кийин, уйғур елидики алий, оттура вә башланғуч мәктәпләрдә идийиви тазилаш һәрикити елип берип, һәр қандақ миллий һессият вә миллий ғорурни гәвдиләндүридиған пикир - иқимларға зәрбә берип кәлгән иди.

Чәтәлдики бир қисим уйғур паалийәтчилири, хитай һөкүмитиниң миллий маарипни хитайчилаштуришиму, идеологийә саһәсидики муқимлиқни сақлаш хизмитиниң бир қисми икәнликини оттуриға қоймақта. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт