Wang léchü'en ma'arip sahesidiki idé'ologiye xizmitini kücheytishni tekitlidi

Xitay hökümitining Uyghur aptonum rayonigha teyinligen partkom bash sékritari wang léchü'en ma'arip sépide idé'ologiye jehettiki muqimliqni saqlash xizmitini kücheytidighanliqini otturigha qoydi.

U düshenbe küni Uyghur aptonum rayoni boyiche échilghan ang we idé'ologiye sahesidiki muqimliq xizmiti yighinida söz qilip, " idé'ologiye sahesidiki muqimliqni saqlash xizmitini dölet bixeterliki we jem'iyet muqimliqigha alaqidar eng muhim xizmet süpitide ishlesh kérek , bolupmu ma'arip sépini ching tutup, yash - ösmürlerge qaritilghan siyasiy idiyiwi terbiyini alahide kücheytish kérek" dep körsetken. Biraq wang léchü'en dawamliq türde tekitlep kéliwatqan idé'ologiye sahesidiki üch xil küchlerge zerbe bérishni tilgha almighan.

Xitay hökümiti 11 - séntebir weqesidin kiyin, Uyghur élidiki aliy, ottura we bashlan'ghuch mekteplerde idiyiwi tazilash herikiti élip bérip, her qandaq milliy héssiyat we milliy ghorurni gewdilendüridighan pikir - iqimlargha zerbe bérip kelgen idi.

Chet'eldiki bir qisim Uyghur pa'aliyetchiliri, xitay hökümitining milliy ma'aripni xitaychilashturishimu, idé'ologiye sahesidiki muqimliqni saqlash xizmitining bir qismi ikenlikini otturigha qoymaqta. (Arzu)