Uyghur diyarida élip bériliwatqan xitaychilashturush ma'aripi kücheytilmekte

Uyghur diyarida chiqidighan hökümet metbu'atliridin ashkarilinishiche, xitay hökümiti, ichkiri ölkilerde yolgha qoyuliwatqan "shinjang toluq ottura sinipi" pilani boyiche, kéler yilidin bashlap, mezkur siniplargha her yili 5 ming oqughuchi qobul qilish, 2010 ‏-yiligha kelgende oqughuchilar sanini 20 minggha yetküzüshni qarar qilghan.

Xitay hökümiti 1999 ‏- yili 9 ‏- ayda, xitayning béyjing, shangxey, tiyenjin qatarliq chong 12 shehiride " shinjang toluq ottura sinipi" tesis qilishni qarar qilghan idi.

Tengritagh torining 16 ‏-féwral küni bu heqte bergen xewirige qarighanda, xitay hökümitining mezkür qarari boyiche, "shinjang toluq ottura sinipi" échilghandin buyan, bu sinipqa 6 qarar oqughuchi qobul qilin'ghan bolup, "shinjang toluq ottura sinipi"échilip hazirgha qeder oquwatqan oqughuchi sani 7ming 695 ke yetken, buningdin sirt xitay hökümiti yene, buningdin kéyin "shinjang toluq ottura sinipi" échilghan 12 sheherni köpeytip 25 sheherge yetküzüshni, shinjang toluq ottura sinipi achqan mektepni eslidiki 15 din 35 ge köpeytishni qarar qilghan.

Közetküchiler buningdin, xitay hökümitining Uyghur diyarida élip bériwatqan xitaychilashturush ma'aripi qedimini téximu tézlitiwatqanliqini, " shinjang toluq ottura sinipi" ni köpeytish arqiliq Uyghur tilini yoqitish, milletni assimilyatsiye qilish siyasitini kücheytiwatqanliqini körüwalghili boludighanliqini bildürmekte. (Eqide)