Jyangsu "shinjang toluq ottura sinipliri" gha oqughuchi qobul qilish kölimini kéngeytti


2006.05.11
Share on WhatsApp
Share on WhatsApp

Xitayning jyangsu ölkilik ma'arip orunlirining yéqinda melum qilishiche, ular bu yil " shinjang toluq ottura sinipliri" gha Uyghur élidin qobul qilidighan oqughuchilar sanini ötken yilidikidin köpeytidiken. Xitayning ölkiliride shinjang toluq ottura siniplirini qurush ishliri deslep bashlan'ghanda, jyangsu ölkiside shinjang sinipidin 3 i bar idi. Lékin ötken yili jyangsu ölkisi buni kéngeytip 7 sinipqa ashurghan. Shundaqla bu yilmu Uyghur élidin qobul qilidighan oqughuchilar sanini 560 qa yetküzidiken.

Jyangsu ölkiside échilghan "shinjang toluq ottura sinipliri xizmet yighini" da, jyangsu ölkisining buningdin kéyin shinjang sinipigha oqughuchi qobu qilish sanini dawamliq ashurup, 2007‏- yiligha barghanda yiligha 720 neper oqughuchini qobul qilidighan hemde kelgüside shinjang toluq ottura siniplirining pütün mekteptiki omumiy kölimini kéngeytip 2880 oqughuchigha yetküzüsh pilanini otturigha qoyulghan.

Xitay ma'arip orunlirining Uyghur oqughuchilarni xitayning her qaysi ölkiliride terbiyilesh meqsitidiki "shinjang toluq ottura sinipliri" ni échish pilani 2000‏- yilidin bashlap yolgha qoyghan bolup, ötken yilining özide Uyghur aptonom rayoni boyiche 3075 oqughuchi bu siniplargha qobul qilin'ghan. Tengritagh xewer torining melum qilishiche, bu oqughuchilarning 55% i yézilardin kelgen déhqan-charwichilarning perzentliri iken. Shundaqla ma'arip idarilirining kelgüsidiki pilani bolsa, Uyghur yéziliridiki déhqan perzentlirining qobul qilinish nisbitini 90% ke yetküzüsh iken.

Xitayning bu pilani Uyghurlar arisida türlük inkaslarni peyda qiliwatqan bolup, beziler buni xitayning Uyghur ma'aripini xitaychilashturush siyasitining bir qisimi dep eyiblimekte. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.