Xitay da'iriliri Uyghurlargha qaratqan til siyasitini dawamliq kücheytmekte


2006.08.10
Share on WhatsApp
Share on WhatsApp

Xitay tilini pishshiq igilesh Uyghurlarning her qaysi saheler boyiche, netijige érishshining aldinqi shertige aylanmaqta. Qeshqer xewer tori yéqinda , " qeshqer güzili" ni tallash musabiqisida, gülnar hamut bilen zumret memet isimlik ikki Uyghur qizning "güzellik chémpiyoni " sheripige érishkenlikini élan qildi.

Xewerde, qeshqer pédagokika inistituti, axbarat kespining 2 ‏- yilliq oqughuchisi gülnar hamutning, kichikidin xitay tili öginishni yaxshi köridighanliqi, nurghun xitay dostlirining barliqi, shunga xitay tilida sözleshke intayin mahir ikenliki alahide teriplen'gen bolup, u tilgha élin'ghan ewzellikliri bilen bahalighuchilarning yuqiri bahasigha érishkenliki otturigha qoyulghan.

Xitay da'iriliri, Uyghur diyarida ma'aripni xitay tilida élip bérishni yolgha qoyghandin buyan, chet'ellerdiki Uyghur siyasiy pa'aliyetchilirining qattiq tenqidige uchrap kelmekte. Siyasiy pa'aliyetchilerning bildürishiche, xitay Uyghurlarning tilini yoqitish üchün, Uyghur balilargha kichikidin xitay tili ögitish hetta her yili bir türküm Uyghur balilirini xitayning ichkiri ölkilirige apirip oqutush oxshash bir qatar tedbirlerni kücheytmekte iken. Ularning éytishiche, bir milletning tilini yoqitish, shu milletni assimilyatsiye qilishning eng yaxshi charisi hésablinidiken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.