Хитай һөкүмити уйғурлар көп олтурақлашқан районларда хитайлаштурушни күчәйтмәктә
Мухбиримиз әқидә хәвири
2008.05.29
2008.05.29
Хәвәрдә ейтилишичә, хитайниң доклат бериш өмәклири, уйғур елиниң мәзкүр җайлириға берип, коммунст әмәлдарлириниң уйғурларға хитай тили өгитиш һәққидә қилған гәплирини, уйғур әвладлириға ғәмхорлуқ қилғанлиқ дәп тәшвиқ қилған.
Уйғурларниң сиясий һоқуқи үчүн паалийәт елип бериватқан дуня уйғур қурултийиниң баянатчиси дилшат решит хитай даирилири нөвәттә уйғурларни хитайлаштуруш үчүн, ишлитишкә тегишлик барлиқ чарилирини ишқа селиватқанлиқини, болупму уйғур қизлирини асас қилған " ешинча әмгәк күчлири" ни хитайға йөткәш, яш өсмүр уйғур пәрзәнтлирини, ата - анисидин айрип хитай өлкилиригә йөткәп оқутуш, изчил түрдә уйғурларға қаратқан "пиланлиқ туғут" сияситини иҗра қилишни давамлаштуруватқанлиқини оттуриға қоюп, бу чариләрниң һәммисиниң уйғурларни хитайлаштуруш сүритини тезлитиш мәқсидини әмәлгә ашуруш үчүн икәнликини тәкитлиди.