Xitay hökümiti Uyghurlar köp olturaqlashqan rayonlarda xitaylashturushni kücheytmekte

Xitayning metbu'atliridin shinjang gézitide, 29 ‏ - may küni xitay hökümitining qeshqer, atush qatarliq Uyghurlar eng köp olturaqlashqan rayonlarda " qosh tilliq ma'arip " siyasitini kücheytiwatqanliqi ashkarilandi.
Muxbirimiz eqide xewiri
2008.05.29

 Xewerde éytilishiche, xitayning doklat bérish ömekliri, Uyghur élining mezkür jaylirigha bérip, kommunst emeldarlirining Uyghurlargha xitay tili ögitish heqqide qilghan geplirini, Uyghur ewladlirigha ghemxorluq qilghanliq dep teshwiq qilghan.

Uyghurlarning siyasiy hoquqi üchün pa'aliyet élip bériwatqan dunya Uyghur qurultiyining bayanatchisi dilshat réshit xitay da'iriliri nöwette Uyghurlarni xitaylashturush üchün, ishlitishke tégishlik barliq charilirini ishqa séliwatqanliqini, bolupmu Uyghur qizlirini asas qilghan " éshincha emgek küchliri" ni xitaygha yötkesh, yash ösmür Uyghur perzentlirini, ata ‏ - anisidin ayrip xitay ölkilirige yötkep oqutush, izchil türde Uyghurlargha qaratqan "pilanliq tughut" siyasitini ijra qilishni dawamlashturuwatqanliqini otturigha qoyup, bu charilerning hemmisining Uyghurlarni xitaylashturush sür'itini tézlitish meqsidini emelge ashurush üchün ikenlikini tekitlidi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.