Xitay hökümiti qeshqerdiki kocha isimlirini özgertti


2005.02.07
Share on WhatsApp
Share on WhatsApp

Uyghur aptonom rayonining qeshqer shehiridiki yerlik da'iriler ötken hepte uxturush chiqirip, qeshqer shehiridiki 17 asasliq kochining ismini özgertken. Yuqiriqi kochilarning kona ismi düshenbe kündin bashlap resmi emeldin qalghan.

Sherqiy türkistan uchur merkizining xewer qilishiche, ismi özgertilgen kochilarning 12 sige xitayche isim qoyulghan, qalghan besh kochining ismi Uyghurlarning tarixini eks ettüridighan isimlar bilen atalghan. Qeshqer sheherlik 4 - ottura mekteptin poyiz istansisighiche baridighan yolgha tyanshan sherqiy yoli, dep nam bérilgen shundaqla aydurumdin yéngi mihmanxanighiche bolghan arliqni jichang yoli, dep atighan.

Qalghan kochilargha qurulush yoli, shinching shimali yoli, shinching jenubiy yoli, banchaw yoli qatarliq isimlar qoyulghan. Uyghurlarning tarixiy we jughrapiyisini ipadileydighan milliyche isim qoyulghan kochilar muztagh yoli, arslanxan yoli, iparxan kochisi we shundaqla tarim yoli qatarliq kochilardin ibaret.

Qeshqer Uyghur mediniyiti, tarixi we ijtima'iy turmushining heqiqi yüzige wekillik qilidighan qedimiy sheher. Ilgiri qeshqerdiki yer namlar shundaqla kocha - koylarning isimi Uyghurche idi. Sherqiy türkistan uchur merkizining bildürüshiche, qeshqerdiki Uyghurlar xitay hökümitining buningdin kéyin qeshqerdiki mehele isimlirini özgertiwétishidin énsireydiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.