Uyghur éli bilen xitay ölkilirining iqtisas igilirini xizmetke tallash perqi intayin chong

Uyghur aptonom rayonida iqtisasliqlarni xizmetke teklip qilish pa'aliyiti élip bérilghan bolup, bu pa'aliyette 7000 din artuq kishi riqabetke qatniship, 5300 xizmet ornini talashqan.

Tengritagh torining 23 ‏- féwral küni bergen xewiridin ashkarilinishiche, mezkür pa'aliyette riqabetke qatnashqan studéntlar, özlirining xizmetke qobul qilin'ghandin kéyin, ayliq ma'ashining az dégende 1100 somdin 1200 somghiche bolushini telep qilghan.

Istansimizning bu heqte téléfun arqiliq igiligen melumatlirigha asaslan'ghanda, xéli uzundin béri modigha aylinip qalghan iqtisasliqlarni bir - biri bilen riqabetleshtürüp tallash programmisigha adette, peqet aliy mekteplerni ela derijide püttürgen shundaqla magistirliq unwanigha érishken salahiyettikiler qatnishalaydiken.

Ismini ashkarilashni xalimighan bir Uyghurning éytishiche, bu programma peqet aptonom rayondikiler üchün tesis qilin'ghan bolup, xitay ölkiliridin aptonom rayon'gha teklip qilin'ghan iqtisas igiliri, az dégende 5000 som etrapida ma'ash we azade turalghu öy shuningdek türlük teminlesh imtiyazliridin behrimen boludiken.

Chet'ellerdiki Uyghur ziyaliylar , milletler arisida shekilliniwatqan bu perqlerdin intayin narazi bolmaqta. (Eqide)