بۇ يىل ئۇيغۇر ئېلىدە 2 مىڭ 500 گە يېقىن مەمۇرى خادىم قوبۇل قىلىنىدۇ


2006.02.28
Share on WhatsApp
Share on WhatsApp

خىتاي تور بەتلىرىنىڭ مەلۇماتىغا قارىغاندا، 27 ‏- فېۋرال كۈنى ئۇيغۇر ئاپتونوم رايونلۇق دۆلەت مەمۇرلىرىنى ئېمتىھان ئارقىلىق قوبۇل قىلىش خىزمىتى ئاخبارات ئېلان قىلىش يىغىنى ئۆتكۈزۈلگەن. يىغىندا، بۇ يىلنىڭ ئالدىنقى يېرىمىدا جەمئىيەتتىن 2 مىڭ 500 گە يېقىن دۆلەت مەمۇرى قوبۇل قىلىنىدىغانلىقى جاكارلانغان.

مەلۇماتتىن ئاشكارىلىنىشىچە، ئاپتونوم رايونلۇق پارتكوم، خەلق ھۆكۈمىتى، جامائەت خەۋپسىزلىكى ئورگانلىرى، باج، سودا سانائەت مەمۇرى باشقۇرۇش، نازارەت قىلىش سېستىمىلىرى شۇنداقلا جەنوبتىكى 3 ۋىلايەت، بىر ئوبلاستنىڭ يېزا ‏- بازار ئاساسىي قاتلام ھۆكۈمەتلىرىگە قوبۇل قىلىنىدىغان كادىرلارنىڭ سانى ئوتتۇرىغا قويۇلغان.

بۇ قېتىم ئاپتونوم رايون بويىچە، ساقچى تارماقلىرىغا 902 نەپەر ۋە يېزا ‏- بازار مەمۇرلىقىغا 700 نەپەر خادىم قوبۇل قىلىنىدىغان بولۇپ، مۇلاھىزىچىلەر بۇنىڭ، ئۇيغۇر دىيارىدا ئېلىپ بېرىلىۋاتقان باستۇرۇش سىياسەتلىرىنىڭ ھەمدە ئۇيغۇرلارنى ئاساس قىلغان يېزا ‏- بازار ئاساسىي قاتلام ھوقۇقىنى كۈچەيتىشنىڭ كونكرېت ئىپادىسى ئىكەنلىكىنى ئوتتۇرىغا قويماقتا.

چەتئەللەردىكى ئۇيغۇر مەسىلىلىرى مۇتەخەسسىسلىرى بولسا، خىتاي ھۆكۈمىتى ئۇيغۇر رايونىدا ئەسلىدىكى مىللىي نىسبەت بويىچە دۆلەت مەمۇرى قوبۇل قىلىش سىياسىتىنى بىكار قىلىپ، جەمئىيەتتىن ئاشكارا ئېمتىھان ئېلىپ قوبۇل قىلىش چارىسىنى يولغا قويغاندىن بۇيان، بۇ خىل ساختا ئۇسۇلنىڭ پەقەتلا ئۇيغۇر كادىرلارنى سىقىپ چىقىرىپ ئورنىغا خىتاي ئېلىش تەدبىرىدىن باشقا نەرسە ئەمەسلىكىنى تەكىتلەشمەكتە. (ئىلتەبىر)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.