Bu yil Uyghur élide 2 ming 500 ge yéqin memuri xadim qobul qilinidu


2006.02.28
Share on WhatsApp
Share on WhatsApp

Xitay tor betlirining melumatigha qarighanda, 27 ‏- féwral küni Uyghur aptonom rayonluq dölet memurlirini émtihan arqiliq qobul qilish xizmiti axbarat élan qilish yighini ötküzülgen. Yighinda, bu yilning aldinqi yérimida jem'iyettin 2 ming 500 ge yéqin dölet memuri qobul qilinidighanliqi jakarlan'ghan.

Melumattin ashkarilinishiche, aptonom rayonluq partkom, xelq hökümiti, jama'et xewpsizliki organliri, baj, soda sana'et memuri bashqurush, nazaret qilish séstimiliri shundaqla jenobtiki 3 wilayet, bir oblastning yéza ‏- bazar asasiy qatlam hökümetlirige qobul qilinidighan kadirlarning sani otturigha qoyulghan.

Bu qétim aptonom rayon boyiche, saqchi tarmaqlirigha 902 neper we yéza ‏- bazar memurliqigha 700 neper xadim qobul qilinidighan bolup, mulahizichiler buning, Uyghur diyarida élip bériliwatqan basturush siyasetlirining hemde Uyghurlarni asas qilghan yéza ‏- bazar asasiy qatlam hoquqini kücheytishning konkrét ipadisi ikenlikini otturigha qoymaqta.

Chet'ellerdiki Uyghur mesililiri mutexessisliri bolsa, xitay hökümiti Uyghur rayonida eslidiki milliy nisbet boyiche dölet memuri qobul qilish siyasitini bikar qilip, jem'iyettin ashkara émtihan élip qobul qilish charisini yolgha qoyghandin buyan, bu xil saxta usulning peqetla Uyghur kadirlarni siqip chiqirip ornigha xitay élish tedbiridin bashqa nerse emeslikini tekitleshmekte. (Iltebir)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.