Уйғур аптоном районида баһар шамили һәрикити башланған


2007-04-11
Share

Хитайниң тәңритағ тор бетидә ашкарилинишичә, хитай һөкүмити йеқиндин буян уйғур аптоном районида, үрүмчи, қумул пойиз истансилирида йезилардин шәһәрләргә киридиған ишсизларни ишқа орунлаштуридиған понкитларни қурған. Һазир уйғур аптоном районида бундақ кишиләр үчүн 521 орган яки ширкәттә 32 миң кишилик хизмәт орни тәйярланған. Улар қобул қилинғандила қолиға һөкүмәт тәрипидин "баһар шамили карти' вә 'өзиниң һоқуқини қоғдаш буюмлири' тарқитип берилидикән. 'Баһар шамили һәрикити' дәп аталған бу һәрикәт 4 ‏- айниң 30 ‏- күнигичә давам қилидикән.

Әмма, йеқиндин буян радиомизниң һәқсиз телефон ленийиси арқилиқ телефон қилип әһвал инкас қиливатқан уйғурлар, һазир уйғур аптоном районида, уйғурлар ишқа орунлишиш җәһәттә еғир миллий кәмсилитишкә учраватиду; әгәр уйғурлар ишқа елиш елани чиқарған орган яки ширкәтләргә барса "миллийләр елинмайду" дәп рәт қилиниду; хитай һөкүмити йәнә мәхсус вәзипә чүшүрүп, йезилардин уйғур деһқанлириниң оғул балилирини һәмдә мәхсус той қилмиған қиз балилирини хитай өлкилиригә көчүп беришқа мәҗбурлаватиду, дәп баян қилмақта. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт