Uyghur ilidiki idare, jem'iyetlerge xizmetchi alghanda din'gha ishenmeydighanlarni tallash telep qilin'ghan


2007-12-26
Share

Uyghur aptonom rayoni da'irilirining her qaysi wilayetlerdiki munasiwetlik organlargha chüshürgen bir höjjitide, yerlik da'irilerdin idare ‏- jem'iyetlerge téxnik yaki xizmetchi xadimlarni qobul qilghanda din'gha ishenmeydighan, diniy pa'aliyetlerge qatnashmaydighan kishilerni tallashni telep qilghan.

2007 ‏- 7 Nomur, dep belge qoyulghan "idare ‏- jem'iyetlerge xizmetchi we téxnik xadimlarni qobul qilish heqqidiki belgilime" ni Uyghur aptonom rayoni partkomining teshkilat bölümi, kadirlar nazariti, emgek we ijtima'iy parawanliqlar nazariti hemde maliye nazariti qatarliq organlar tüzgen bolup, höjjette xizmetke qobul qilin'ghuchining xitay tilini yaxshi bilishi telep qilinipla qalmay, uning milliy bölgünchilik we qanunsiz diniy pa'aliyetlerge tewrenmey qarshi turidighan kishilerdin bolushini, jümlidin din'gha ishenmeydighan shundaqla diniy pa'aliyetlerge qatnashmaydighan kishilerdin bolushqa kapaletlik qilishini tekitligen.

Lékin höjjette diniy pa'aliyetler qaysi diniy heriketlerni öz ichige alidighanliqini chüshendürmigen bolup, roza héyt we qurban héyt namizi shundaqla jinaze namizigha qatnashqan bir kishining diniy pa'aliyetke qatnashti, dep qarilidighan yaki qaralmaydighanliqini tilgha almighan.

Xitay asasiy qanuni puqralarning diniy étiqad erkinlikini étirap qilsimu, lékin kishilik hoquq teshkilatliri xitay puqralirining diniy ibadet erkinliki boghuluwatqanliqini tenqid qilmaqta.

Dunya Uyghur qurultiyining bayanatchisi dilshat rishit radi'omizgha bergen bayanatida , bu belgilime xitay asasiy qanuni we xelq'ara ehdinamilargha ashkara xilap bolupla qalmay, bu yene "Uyghurlarning xizmetke orunlishishini tosaydighan kishilik hoquq ziyankeshlikidur"dep eyiblidi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet