Xotende üch bala qash téshi kolawétip hayatidin ayrildi


2007-12-13
Share

11- Dékabir küni xoten nahiyisining langru yézisida üch bala qash téshi kolash jeryanida qazagha uchrighan.

Xitayning shinxu'a agéntliqining tarqatqan uchurigha asaslan'ghanda, xoten nahiyilik jama'et xewpsizlik idarisi bu üch balining 9- dékabir küni mekteptin qoyup bergendin kéyin,mezkur yéza etrapidiki qash téshi kolan'ghan chongqur azgalliqqa chüshüp, qash téshi kolash jeryanida topa bésiwélip, hayatidin ayrilghan iken.

Deslepte, bu üch bala iz déreksiz yoqalghan bolup, izdesh jeryanida ular topa astidin tépilghan hemde jama'et xewpsizlik tarmaqliri bu üch balining qash téshi kolash jeryanida topa bésiwélip qaza qilghanliqini resmileshtürgen. Emma, xitay axbarat wasitiliri bu üch balining milliy kimliki heqqide héchnéme démigen bolsimu, biraq ularning Uyghur bolush éhtimalliqi qiyas qilinmaqta.

Xoten dunyagha dangliq qash téshi makani, qash téshi sodisining tereqqi qilishigha egiship, yorungqash deryasi wadisini qalaymiqan qézip, qash téshi izdesh bir dolqun'gha aylan'ghan bolup, yorungqash deryasi wadisi we bashqa jaylarning éghir derijide weyran qiliwétilgenliki, buning ékologiyilik muhitqimu selbiy tesirlerni élip kéliwatqanliqi melum.

Bu üch balining qash téshigha érishish jeryanida ene shundaq qalaymiqan kolan'ghan azgalda ölüp kétishi kishiler arisida oxshimighan inkaslarni keltürüp chiqarghan. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet