Үрүмчидә 35 нәпәр христиан мурити сақчилар тәрипидин тутуп кетилди


2006-10-27
Share

Сақчилар йеқинда уйғур аптоном райониниң мәркизи үрүмчи әтрапидики марал көли тәрәпкә тоғра келидиған бир тағлиқ йезини қоршап, мәзкур йезида инҗил курсиға қатнишиватқан 33 нәпәр христиан мурити, бир христиан миссионер вә униң тәрҗиманини тутуп кәтти.

Хәвәр мәнбәәсидә вәқә йүз бәргән җайни чилин йезиси, дәп атиған. Мәзкур курс америка тәвәликидики бир корийилик миссионер тәрипидин муритларға инҗил тоғрисида тәлим - тәрбийә бериш үчүн ечилған болуп, сақчилар тутқунларни йоңфең базиридики сақчиханиға елип берип сорақ қилған.

Америкиниң тексас штатидики җоңго ярдәм җәмийити, дәп атлидиған христиан уюшмиси, сақчиларниң сорақ җәрянида тутқунларни қийин - қистаққа алғанлиқини билдүрди. ярдәм җәмийити бу һәқтики баянатида йәрлик сақчи даирилиридин христиан муритлирини тез арида қоюп беришни тәләп қилип, уларниң диний етиқади хитай җәмийити вә хитай дөлитигә зиян елип кәлмәйдиғанлиқини тәкитлигән.

Мәзкур җәмийәт тәминлигән исимликкә қариғанда инҗил курсиға қатнашқан кишиләрниң көпчилики хитайлар болуши мумкин. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт