Уйғур аптоном райониниң чиңсихоза базирида сақчилар христиан муритлирини тутуп кәтти


2006-12-29
Share

Америкиниң тексас штатидики җоңго ярдәм җәмийити, дәп атлидиған бир христиан диний гуруһиниң ашкарилишичә, рождества байриминиң һарписида 23 - декабир күни уйғур аптоном райониниң чиңсихоза базиридики сақчилар мәзкур базарда олтуридиған ло йүәнчи исимлик христиан муритини йәнә тутуп кәткән.

Җоңго ярдәм җәмийити, сақчилар уларни рождества байримида коллектип диний мурасим өткүзүшидин әнсирәп тутуп кәткән болуши мумкин, дәп қарайдиғанлиқини билдүрди.

Нөвәттә ло йүәнчи қорғас наһийә базиридики тутуп туруш орниға солап қоюлған. Ло йүәнчи бу йил 10 - айниң - 20 күни мәзкур наһийидики христиан мухлислири уюштурған коллектип ибадәт қилиш паалийитигә қатнашқанлиқи үчүн қолға елинған вә 11 - айниң 26 - күни қоюп берилгән иди.

Тексас штатидики " җоңго ярдәм җәмийити" уйғур аптоном районидики христиан гуруһлириниң паалийитини йеқиндин көзитип келиватқан диний җәмийәтләрниң бири. Күзәткүчиләрниң әскәртишичә, хитай даирилири районда мусулманлар шундақла сани көп болмисиму, лекин көпийиватқан христянлар муритлириниң йәр асти паалийитини бастурсиму, лекин христианларға бир аз юмшақ қол муамилә тутуватқанлиқини билдүрмәктә. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.