Uyghur aptonom rayonining chingsixoza bazirida saqchilar xristi'an muritlirini tutup ketti
2006.12.29
Amérikining téksas shtatidiki jonggo yardem jem'iyiti, dep atlidighan bir xristi'an diniy guruhining ashkarilishiche, rozhdéstwa bayrimining harpisida 23 - dékabir küni Uyghur aptonom rayonining chingsixoza baziridiki saqchilar mezkur bazarda olturidighan lo yüenchi isimlik xristi'an muritini yene tutup ketken.
Jonggo yardem jem'iyiti, saqchilar ularni rozhdéstwa bayrimida kolléktip diniy murasim ötküzüshidin ensirep tutup ketken bolushi mumkin, dep qaraydighanliqini bildürdi.
Nöwette lo yüenchi qorghas nahiye baziridiki tutup turush ornigha solap qoyulghan. Lo yüenchi bu yil 10 - ayning - 20 küni mezkur nahiyidiki xristi'an muxlisliri uyushturghan kolléktip ibadet qilish pa'aliyitige qatnashqanliqi üchün qolgha élin'ghan we 11 - ayning 26 - küni qoyup bérilgen idi.
Téksas shtatidiki " jonggo yardem jem'iyiti" Uyghur aptonom rayonidiki xristi'an guruhlirining pa'aliyitini yéqindin közitip kéliwatqan diniy jem'iyetlerning biri. Küzetküchilerning eskertishiche, xitay da'iriliri rayonda musulmanlar shundaqla sani köp bolmisimu, lékin köpiyiwatqan xristyanlar muritlirining yer asti pa'aliyitini bastursimu, lékin xristi'anlargha bir az yumshaq qol mu'amile tutuwatqanliqini bildürmekte. (Erkin)
Munasiwetlik maqalilar
- Xitay hökümiti diniy zatlarni öz xa'ishi boyiche terbiyelewatqanliqini bildürmekte
- Xitay Uyghur élide yer asti xristi'an jem'iyiti muritlirini qolgha élip bir mezgildin kéyin qoyup bergen
- Uyghur élide yene bir xrist'an misyuniri qolgha élindi
- Ürümchide 35 neper xristi'an muriti saqchilar teripidin tutup kétildi
- Xitay hökümiti bu yilqi ramizan éyidimu Uyghurlarning normal diniy pa'aliyirini cheklidi