Uyghurlarning medeniy yadikarliqliri chet'ellerni jelp qilmaqta


2005.03.28

Bu yil 16 - aprildin yil axirighiche yaponiyining tokyo shehiride ötküzülidighan " yéngi yipek yoli medeniy yadikarliqliri körgezmisi" ning teyyarliq xizmetliri ayaqlashqan.

Uyghur ilidiki xewer tor bétidin melum bolushiche, bu qétim ötküzülidighan mezkur körgezme bu rayonning bu yil chet'eller bilen ilip baridighan medeniyet almashturush pa'aliyetlirining bir qismi hésablinidiken.

Uyghur ilidiki téléwiziye tarmaqliri béyjingdiki merkiziy téléwiziye istansisi hemde yaponiyining n x k shirkiti bilen birliship "yéngi yipek yoli" namliq chong hejimlik filimni süretke élish xizmitini tamamlighan. Shundaqla bu filimning 1 – qismi, yaponiyide tamashibinlar bilen yüz körüshken.

Undin bashqa yene, Uyghur élining medeniyet tarmaqliri gérmaniye, fransiye qatarliq döletlerdiki munasiwetlik saheler bilen asare - etiqilerni qoghdash we körgezme qilish heqqide köpligen kélishim hemde bayannamilarni imzalighan.

Chet'ellerdiki Uyghur mutexessisliri, xitay hökümitining bu xil körgezmiler arqiliq Uyghurlarning tarixi we medeniyitige a'it pakitlarni burmilap chüshendürishidin endishe qilmaqta. (Iltebir)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.