Denden öylüktiki qedimqi tam resimliri eslige keltürüldi

1400 Yilliq tarixqa ige xotenning denden öylüktiki qedimqi tam resimlirini qoghdash we eslige keltürüsh qurulushi xitay we yaponiyilik mutexessisler teripidin tamamlandi. Bu tam resimliri denden öylüktiki bir budda ibadetxanisi xarabiliqidin tépilghan we budda riwayetlirini téma qilip lay tamgha sizilghan.

Mutexessisler 2 yilliq pilan boyiche, 2002 - yili 10 - ayda yaponiye - xitay arxé'ologliri teripidin tépilghan bu ibadetxanigha a'it 300 parche resimni qurashturup chiqti. Denden öylüktiki tam resimliri 7 - esirning kéyinki yérimida sizilghan, dep qaralmaqta.

Tam resimlerning mutleq köp qisimi hazirghiche saqlinip qalghan bolsimu, lékin bir qisim resimler oghrilap kétilgen yaki 1920 - yillarda shwétsiyilik sayahetchiler teripidin élip kétilgen bolushi mumkin. Yéqinqi yillarda teklimakandiki qedimqi qebre we xarabilarni qézip, medeniy yadikarliqlarni oghrilash etkeschilerni qiziqturidighan bay bolush yoli bolup qalghan.

Tam resimlirini eslige keltürüsh qurulushi yaponiye buddizm uniwérsititi, shinjang arxé'ologiye inistituti wejunggo döletlik muziyidin barghan 20 neper mutexessis teripidin tamamlan'ghan. Mutexessisler denden öylük ibadetxanisidiki 10 kwadirat métir tam resimini eslige keltürdi.

Denden öylüktiki budda xarabisi shwétsiyilik sayahetchi swén hiddén teripidin tunji qétim 1896 - yili bayqalghan we shu dewrge a'it bir qisim resimler swén hiddén teripidin élip kétilgen hemde hazir londondiki britaniye muziyi, bérlin muziylirida saqlanmaqta. (Erkin)