Nilqa nahiyiside 3000 yilgha yéqin tarixqa ige qebristanliq bayqaldi

Ili oblastining nilqa nahiyisi qujurtay yézisida 3000 yilgha yéqin tarixqa ige qebristanliq bayqaldi.

Yéqinda aptonom rayonluq we ili oblastliq medeniy miraslar tetqiqat orni birlikte nilqa nahiyisige qarashliq qujurtay yézisida 600 din artuq qedimiy qebre üstide arxé'ologiyilik qézish élip barghan. Arxé'ologlarning bildürüshiche, bir - birige nahayiti zich orunlashturulghan bundaq köp qebre topi , Uyghur élide bayqalghan qedimiy yadikarliqlar ichide az uchraydiken.

Xitay xewer agéntliqining peyshenbe küni bergen xewirige asaslan'ghanda, mezkür qebriler 2500 yildin 3000 yil ilgiriki dewirge mensup bolup, mis qorallar dewri hetta yéngi tash qoralliri dewrige a'it bolushi mumkin .

Xitay xewer agétli'iqning bu heqte bergen xewerlirige qarighanda, qujurtay yézisida tépilghan qedimiy qebrilerni tetqiq qilish, asiya - yawrupa yaylaqliridiki qedimiy medenyet tetqiqati üchün intayin chong tesir körsitidiken. Xitayning we chet'elliklerning tarixiy matériyallirida saklarning eng burun mezkür rayonda yashighanliqi ispatlan'ghan bolup, bu qétim qujurtay yézisidiki qebrilerdin tépilghan buyumlar bilen ilining bashqa jayliridiki saklargha a'it buyumlar bir - birige tamamen oxshaydiken.

Chet'ellerdiki Uyghur arxé'ologlirining éytishiche, xitay arxé'ologlirining, Uyghur élide bayqalghan qedimiy yadikarliqlarning Uyghurlargha biwaste munasi'iwetlik bolup chiqishidin endishe qilip, tarixi yadikarliqlarning köpinchisini bashqa qedimiy milletlerge a'it dep saxta xulase chiqiridighan adetliri bar iken. (Eqide)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar