Alimlar yipek yoli medeniy yadikarliqlirini qoghdash xizmitige guman bilen qarimaqta


2006-11-16
Share

Küzetküchiler, xitay da'irilirining Uyghur élidiki yipek yoli medenyitini qoghdash türi boyiche élip barmaqchi bolghan xizmitige guman bilen qarashmaqta.

Xitay metbu'atlirida , yipek yoli medeniy yadikarliqlarni qoghdash türi qurulushi bayin'ghulin mongghul aptonom oblasti, turpan wilayiti, xoten wilayiti qatarliq rayonlarda bashlan'ghanliqi xewer qilin'ghandin kéyin, chet'ellerdiki Uyghurlarning arisida ghul - ghula qilinishigha yol achti.

Bolupmu qizil ming öylirining mütexessisler teripidin tekshürülüwatqanliqi toghrisidiki uchur , ilgiri Uyghur ilide arxi'ologiye tetqiqati élip barghan mütexesislerning diqqitini qozghighan bolup, ularning éytishiche, xitay tarixchiliri Uyghur tarixigha a'it yadikarliqlarning menbelirini özgertip, Uyghur tarixini yoq qilishtek yaman niyetlirini ishqa ashurushqa urunup kelmekte iken.

Uyghur arxi'olog alimlirining éytishiche, ilgiri élip bérilghan " qizil ming öy" tetqiqatida , mexsus orunlashturulghan xitay ressamliri, resimlerni saqlap qélish üchün qeghezge köchürwilish bahanisida we tam süretlirini rimont qilish jeryanida, resimning türkiy milletlerge xas chiray shekillirini pütünley özgertip, xitaylargha tewe alametlerge aylanduriwetken.

Shunga mütexessisler, bu qétim élip bérilmaqchi bolghan medeniy yadikarliqlarni qoghdash qurulushning" qoghdash" emes belki medeniy yadikarliqlarni " burmilash" hetta " yoqitish " ikenlikini bildürmekte. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet