Хитай һөкүмити уйғур аптоном районида мәдәнийәт ядикарлиқлирини қоғдаш қанунини иҗра қилишқа башлиди
2007.05.09
Хитай һөкүмити 5 - айниң 1 - күнидин башлап уйғур аптоном районида 'мәдәнийәт ядикарлиқлирини қоғдаш қануни' ни иҗра қилишқа башлиди. 'Хитайниң шинҗаң гезити'дә баян қилинишичә, һазир уйғур аптоном районида мәдәнийәт ядикарлиқлирини қоғдаш иши рәсмий қанун дәвригә қәдәм қойған.
Хәвәрдә баян қилинишичә, уйғур аптоном районида 58 орунда дөләт дәриҗилик қоғдилидиған, 263 орунда аптоном район дәриҗилик қоғдилидиған, 2000 дин артуқ орунда наһийә дәриҗилик қоғдилидиған мәдәний ядикарлиқ бар. Һазир иҗра қилинишқа башлиған қанун буйичә буниңдин кейин, саяһәтчиләргә ечиветилмигән мәдәний ядикарлиқ орунлириға халиғанчә кириш мәний қилиниду.
Саяһәт арқилиқ пул тепишни мәқсәт қилған өмәк яки шәхсийләрдин бу қанунға хилаплиқ қилғанларға, әһвалға қарап 5 миң юәндин 20 миң юәнгичә, һәтта 100 миң юәнгичә җәриманә қоюлидикән.
Буниңдин илгири елан қилинған хәвәрләргә асасланғанда, йеқинқи йиллардин буян кроран шәһири, ния шәһири қатарлиқ дуняға мәшһур тарихи мәдәнийәт излири саяһәт, екиспедийә намидики һәрхил тәшкилат вә шәхсийләрниң өз мәйличә кериш, һәтта қезиш елип бериши арқилиқ чоң булаң-талаң вә бузғунчилиққа учрапла қалмастин, йәрлик милләтләрниң мәдәнийәт тарихи еғир дәриҗидә бурмилинип кәлмәктә. (Вәли)
Мунасивәтлик мақалилар
- "Шинҗаң омумий тарихи" ни йезиш хизмәт йиғини ечилди
- Уйғур елиниң мәдәний ядикарлиқлири германийидә көргәзмә қилинмақчи
- Тува җумһурийити қәдимки уйғур шәһирини әслигә кәлтүрмәкчи
- Русийә, қәдимқи уйғур қорғинида көңүл ечиш вә саяһәт мәркизи қурмақчи болуватқанлиқини елан қилди
- Уйғурлар буниңдин 3 миң йил бурун миңә оператсийисини кәшп қилған болуши мумкин
- Хитай мәдәнийәт министири мәдәний ядикарлиқларни қоғдашта мәсилә барлиқини етирап қилди
- Алимлар йипәк йоли мәдәний ядикарлиқлирини қоғдаш хизмитигә гуман билән қаримақта
- Крорән харабилиқи 20 йилда йоқилиши болуши мумкин