Uyghur diyarining tékes nahiyiside bir qedimiy sheher bayqaldi


2006-08-15
Share

Xitay xewer agéntliqi 15 ‏- awghust küni, aptonom rayonluq asare etiqiler tetqiqat merkizi mütexessislirining , Uyghur diyarining tékes nahiyisining , bostan kentide bir qedimiy sheher bayqighanliqini bildürüp, asare - etiqilerni tetqiq qilish prinsipigha asasen mezkür jaygha bostan qedimi shehiri digen nam bérilgenlikini tekitligen.

Xewerdin melum bolushiche, bostan kentide bayqalghan qedimi sheher témining bir qismi yaxshi saqlan'ghan bolup, qedimi sheherning shimaly qismidiki tamning uzunliqi 206 métir, gherb tereptiki témining uzunliqi 162 métir , sherqige toghra kélidighan témining hazir saqlinip qalghan igizliki 2 méitirgha toghra kélidiken. , bu jaydin yene qizil sapal qachilar, öy haywanlirining ustixanliri, shuningdek chirigen yaghach parchiliri chiqqan. Qedimiy sheher témining qalghan qsimliri bolsa , 1968 ‏- yili déhqanlarning térilghu ishliri sewebidin tüzliwitilgen iken.

Biraq, amérikidiki asare- etiqe mütexessisliri mezkür qedimi sheher, déhqanlarning yer térishi sewebidin emes, belki xitay kommunistik partiyisining asasliq rehberliridin biri bolghan , maw zédong qozghighan medenyet inqilabi dewride buziwitilgenlikini bildürmekte.

Xewerde yene, xitay asare - etiqe proféssori lü én'goning, mezkür qedimiy sheher tang dewrige a'it , mezkür qedimiy sheherning türkiy milletler bilen alaqsi'i yoq dep körsetkenliki qeyt qilin'ghan bolup, Uyghur asare - etiqe mütexessisliri , xitaylarning Uyghur diyarining qedimiy iznalirini qesten burmilap yoq qilish süyqestide heriket élip bériwatqanliqini tekitlidi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet