Xitayning bir tor béti lopnurdiki yadro sinaqlirida 750 ming adem ölgenlikini ilgiri sürdi


2005.09.20
Share on WhatsApp
Share on WhatsApp

Xitay démokratlar teripidin chet'elde intérnét arqiliq tarqitilidighan "chong paydilinish" gézitining ashkarilishiche, xitay herbiy da'iriliri 1964 - yildin bashlap lopnurda élip bérishqa bashlighan yadro sinaqlarda, yerlik Uyghurlar we yadro qorallar siniqigha qatnashqan herbiy xadimlar bolup jem'iy 750 ming adem, radi'aktipliq zeherlinish sewebidin ölgen.

"Chong paydilinish" gézitining tekitlishiche, radi'aktipliq zeherlinish sewebidin ölgen yerlik puqralarning mutleq köpchiliki özining ölüp kétish sewebini bilelmey bu dunya bilen xoshlashqan.

Xitay herbiy da'iriliri lopnurda 3 - qétimliq atom siniqini hawa boshluqida élip barghan bolup, sinaqqa xitayning sabiq dölet mudapi'e ministiri jang eyping yitekchilik qilghan.

Xitay da'iriliri 1996 - yilghiche lopnur rayonida yer asti we yer üsti bolup jem'iy 47 qétim yadro siniqi élip baridi.

"Chong paydilinish" ning ilgiri sürüshiche, da'iriler 3 - qétim sinaq élip barghanda yadro bombisining tesir küchini sinap béqish üchün, piyade qisimlar we urush ayrupilanlirini yadro partlash rayonigha kirishke buyrughan. "Chong paydilinish" bu ehwallar hazirghiche da'iriler teripidin mexpiy tutuliwatqanliqini bildürdi. Emma bu melumatning toghriliqi xitay da'iriliri teripidin mu'ayenleshtürülmigen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.