Uyghur namrat kentliride yalghan pul tarqaldi


2007.01.28

28 - Yanwar yekshenbe küni Uyghur élining qanun xewerliridin melum bolushiche, nöwette Uyghur élining pamir igizlikdiki bezi namrat kentler, xoten hemde qeshqerning namrat yéza- kentliride yalghan xelq puli tarqalghan bolup, déhqanlar nahayiti éghir ziyan'gha uchrimaqta iken.

Xitayning yalghan puli 2005- hemde 2006 - yillirimu Uyghur élining memliket derijilik bezi namrat yéza kentlirige keng tarqilip, 250 déhqanlar qolidin ming yüendin artuq yalghan pul yighiwélin'ghan. Shu yilliri qeshqer wilayitidiki bezi kentlerdinla jem'iy 1 milyon 700 ming yüen yalghan pul bayqalghan.

Xewerde körsitilishiche yalghan pul yasighuchi qara niyetlik jinayetchiler payda tépish üchün Uyghur élining namrat yéziliridiki sawatsiz nadan déhqanlarni aldashni közligen bolup, ular déhqanlarning pulning ras yalghanliqini perq étishta ajizliqi, qanuniy torning boshliqidin paydilinip, yalghan pul bilen déhqanlarni aldap ularning méwe, ashliq we mallarni sétiwalghan.

Déhqanlar bolsa mehsulatini sétip alghan yalghan pulni bankigha qoyghili barghanda, yalghan pullar banka xadimliri teripidin pütünley musadire qilin'ghan.

Nöwette xitayning saxta pullargha zerbe bérish qanuni boyiche, yalghan pullar bayqalghan jayda yighiwélinidighan bolghachqa, aldan'ghan namrat déhqanlar nahayiti köp ziyan tartmaqta iken. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.