Yamanyar we qizilboyi weqesining gumandarliri öltürüldi we esir élindi

 Heriketke, qeshqerde turushluq xitay qoralliq qisim eskerliri, xitay saqchiliri, amanliq xadimliri ishtirak qilghan idi. Misha, yamanyar we qizil boyi yézilirida bolsa, heriketke déhqanlarmu mejburiy qatnashturulghan idi.

Dunya Uyghur qurultiyi uchur merkizining xewer qilishiche, üch kün dawamlashqan bu iz qoghlash herikitide xitay terep, yéngisheher nahiyisining yéngi'ériq yézisidiki bir qonaqliqta, gumandarlarni qorshawgha alghan. Gumandarlarni bir qanche sa'et qorshawda tutqandin kéyin oqqa tutup 6 nepirini öltürgen we 3 nepirini esir alghan. Bu jeryanda xitayning bir neper eskiri we bir neper amanliq xadimi gumandarlarning axirqi hujumida yaridar bolghan.

Bügün xitay hökümiti tutush herikitige qatnashqan amanliq xadimlirigha 200 yüendin mukapat bergen. Nöwette weqede ölgenlerni xitay térrorchilar dep eyiblimekte, Uyghur teshkilatliri bolsa,ularni erkinlik jengchiliri dep qaraydighanliqini bildürmekte.