Uyghur élidiki höl jinisliq yanar tagh weyran qilinmaqta
2007.04.17
Uyghur élining shixo rayonigha jaylashqan höl jénisliq yanartagh topliri sayahetchiler teripidin zor derijide buzghunchiliqqa uchrighan bolup, eslide toxtimay étilip chiqidighan patqaq gazlar barghanséri azlashqa bashlighan.
Shixo rayonigha jaylashqan bu höl jénisliq yanartagh topi xitay buyiche eng chong yanartagh bolup hésablinidiken. Bu xil yanartagh peqet intayin alahide bolghan jughrapiyilik shara'itta mewjüt bolalaydighan bolup, peqet amérika, rosiye we méksika qatarliq döletlerdila bayqalghan iken.
Tengritagh tor bétide bérilgen xewerde éytilishiche, Uyghur élining shixo rayonigha jaylashqan höl jénisliq yanartagh topliridin étilip chiqiwatqan maddilar arisida bariy, bérilliy, mis we sénk qatarliq shipaliq, qimmiti yuqiri maddilar bolghanliqtin, mezkur jaygha kelgen sayahetchiler dawamliq étilip chiqqan bu patqaqni botulkilargha qachilap élip kétishni meqset qilidiken.
Xewerde ilgiri sürülüshiche, peqet 2006 - yilining özidila, mezkur höl jinisliq yanartaghni ziyaret qilghuchilar sani 10 mingdin ashqan hemde sayahetchilerning 3 ten bir qisimi bu yanartagh éghizliridin étilip chiqqan patqaqlarni qachilap mangghan.
Xewerlerge qarighanda , shixodiki bu höl jinisliq yanar tagh etrapida xitay ölkisidin kelgen bir aqqun shexsi kömür kan achqan hemde mezkur kömür kan tüpeylidin, mezkur jayning yer qurulmisi éghir derijide buzghunchiliqqa uchrighan, xewerde bu kömur kanning yanartagh topining mewjüt bolup turushigha zor tehdit élip kéliwatqanliqi alahide tekitlen'gen. (Mihriban)
Munasiwetlik maqalilar
- Uyghur élining yer asti bayliq ewzelliki künséri gewdilenmekte
- Uyghur diyarida yer asti bayliqliri üzlüksiz bayqalmaqta
- Uyghur ilidin yene zor miqdarda minéral maddilar bayqaldi
- Xitay shirketliri hazir Uyghur aptonom rayunining yer qatlamliridiki issiqliq énérgiye zapisinimu échishni pilanlimaqta
- Altaygha mexsus bayliq échish tömür yoli qurulmaqchi
- Xitay Uyghur élining qaba deryasida xelq'ara derijilik chong altun kan bayqidi