Yaponiyidiki Uyghurlar béyjing olimpikini bayqut qilish üchün namayish qildi

Uyghurlar bügün 6 ‏ - ayning 25 ‏ - küni, tokyoda béyjing olimpik musabiqisini bayqut qilish üchün namayish qildi. Fransiye agéntliqining tokyodin xewer qilishiche, muhajirettiki Uyghurlar, mongghullar we ularni qollaydighan yaponlardin bolup 150 adem xitayning tokyodiki elchixanisi aldida ötküzgen namayishida 'kishilik hoquq bolmighan elde olimpik bolmaydu' dep shu'ar towlidi.
Muxbirimiz weli xewiri
2008.06.25

 Namayishchilar yaponiyidin, xitay hökümitining Uyghur medeniyitini yoqitish siyasitige xatime bérishni telep qildi.

Xewerde éytilishiche, orgini myunxéndiki dunya Uyghur qurultéyining ezasi ilham mamut bugünki namayishta, xitay hökümitining Uyghur yurtlirida olimpik mesh'ilini uzutush üchün Uyghurlarning erkinlikini qattiq chekligenlikige, bu jeryanda 10 mingdin artuq Uyghurni tutqun qilghanliqigha naraziliq bildürgen we xitaylarni Uyghurche kéyindürüp, usul oynitip mesh'elni qarshi alghan körünüsh yasap dunyani aldighanliqini pash qilghan.

Bügünki namayishqa kelgen ichki mongghuliyilik dash donorob ependi xitay hökümiti atmish yildin buyan mongghullarning yashash muhitini buzup kéliwatqanliqi, mongghullar hazir millet buyiche yoq qilinish xewpige duch kelgenliki heqqide shikayet qilghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.