Nurmuhemmed yasinning "yawa kepter" i in'gilizche we xitaychilargha terjime qilindi


2005-06-30
Share

"Yawa kepter" namliq hékayisi üchün xitay hökümiti teripidin 10 yilliq qamaq jazasigha höküm qilin'ghan maralbéshiliq yazghuchi nurmuhemmed yasinning mezkur esiri, erkin asiya radi'osi teripidin in'gilizche we xitaychilargha terjime qilinip neshr qilindi. "Yawa kepter" ning in'gilizche, xitayche we Uyghur tilidiki tüplen'gen nusxisi pat yéqinda bir kitab bolup chiqidu.

Nurmuhemmed yasinning mezkur esiri, bir yawa kepterning tragédiyilik kechürmishini téma qilghan. Eserdiki yawa kepter anisining insanlardin hezer eylesh heqqidiki nesihitige qulaq salmay ademlerning qoligha chüshüp qalidu. Hikayidiki yawa kepterning anisi, " ademler künséri bizning yashash muhitimizgha qistap kirmekte. Ular bizning ezeldin yashap kelgen zéminimizdin bizni qoghlap chiqarmaqchi. Yerlirimizni tartiwalmaqchi," dep terbiye bergen.

Eserning axirida yawa kepter anisi bergen zeherlik böljürgenni yep özini öltürüwalidu. Yawa kepter jan üzüsh aldida, "zeherlik böljürgen wujudumda bir erkinlikning jarchisi bolup orunlashti. Eng axiri erkin ölüsh pursitige ige boldum," dep xitap qilghan.

"Yawa kepter" in'gilizchigha terjime qilin'ghandin kéyin, xelq'ara metbu'atlarning diqqitini qozghidi. Fransiye axbarat agéntliqi, roytérs, birleshme azxbarat agéntliqi qatarliq metbu'atlar "yawa kepter" toghrisida xewer bergen.

Nurmuhemmed yasin, hazir ürümchidiki aptonom rayonluq 1 - türmide jaza mudditini ötimekte. U, ötken yili 11 - ayda qolgha élinip, marabéshi nahiyilik sot mehkimisi teripidin 10 yilliq qamaq jazasigha höküm qilin'ghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet