Uyghur élidiki yawa tögilerning yashash muhiti buzulmaqta


2004.12.13
Share on WhatsApp
Share on WhatsApp

Nöwette Uyghur élidiki qimmetlik haywan- yawa tögining yashash muhiti barghanséri buzulup, sani müshük éyiqtinmu az bolghan bu qimmetlik yawa haywan nesli qurush xewpige duch kelmekte.

"Tengritagh tor béti" ning bergen melumatigha qarighanda, Uyghur élidiki lopnor yawa töge tebi'iy qoghdash rayoni bu munasiwet bilen yawa tögilerni su menbeliri bilen teminlesh qurulushini bashlighan.

Mezkur xewer tori ilgiriki xewerliride, 78 ming kwadirat kilométir kélidighan lopnur döletlik tebi'iy qoghdash rayonida mol kömür, tömür we mis bayliqliri bolghachqa, shu sewebtin kélip chiqqan kan bayliqlirini qalaymiqan qézish ishlirining barghanséri köpiyishi, yawa tögilerning yashash muhitini buziwatqan muhim amil ikenlikini melum qilghan idi.

Shundaqla lopnur yawa tögilerni qoghdash rayonining bashqurush merkizining mes'uli jang yongshen, bu yerdiki kan qézish qurulushlirining yawa tögiler yashaydighan birdin-bir su menbesini kontrol qiliwalghanlighini, shundaqla kéreksiz exletlerni bir terep qilishtimu, muhitni qoghdash ölchimige ri'aye qilinmighanlighini étirap qilghan idi.

Tarim oymanlighining sherqiy qirghiqigha jaylashqan lopnur rayonida hazir 500 ge yéqin qosh lokiliq yawa tögiler yashaydighan bolup, uning pütün dunyadiki sani 1000 ghimu yetmeydu. Shundaqla u pütün dunyadiki tuzluq su we shorluq ösümlüklerni istimal qilip yashiyalaydighan birdin-bir haywan hésablinidu.(Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.