Археологлар җуңғарийидин дәсләпки динизавурларниң ташқа айланған сөңикини байқиди


2006-02-20
Share

Җуңго пәнләр акадимийисиниң қәдимқи җанлиқлар тәтқиқат орнидики археологлар йеқинда уйғур аптоном райониниң җуңғар ойманлиқидин тайранасорус динизавуриниң әң қәдимқи әҗдатлириниң ташқа айланған сөңикини байқиди.

Тайранасорус динозавури һазирғичә йәр шарида байқалған бой турқи әң чоң вәһши динозавурлар түри болуп һесаблиниду. Улар җурасик ерасиниң ахирлири мәзгиллири йәр шарида 90 милйон йил яшиған. Җурасик ераси буниңдин 210 милйон йилдин 70 милйон йил илгирики дәврләрни өз ичигә алиду. Җуңғарийидә байқалған динизавурниң ташқа айланған сөңики мәзкур дәврдә яшиған тайранасорус динозавурлириниң әҗдади икән.

Тәкшүрүш өмикидики мутәхәссисләр, дәсләпки дәврләрдә яшиған тайранасорусниң бәдини әвлатлириға қариғанда виҗикрәк келидиғанлиқини билдүрмәктә. Тәкшүрүш өмикиниң мәсули шүй шиңниң әскәртишичә, улар ташқа айланған динузавур сөңәклирини бейҗиңға елип берип бир мәзгил тәтқиқ қилғандин кейин, буниң тайранасорус динизавуриниң сөңики икәнликини байқиған. У, ташқа айланған дәсләпки тайранасорус динузавуриниң узунлуқи 3 метир келидиғанлиқини билдүрди. Әмма җурасик ерасида яшиған тайранасорус динузавурлириниң узунлуқи 10 метир әтрапида икән.

Җуңғарийидин тепилған динузавур сөңики буниңдин 160 милйон йил илгирики дәвргә тәвә болуп, мәзкур динузавурниң баш қисимида наһайити көркәм пәй таҗиси бар. Мутәхәссисләрниң әскәртишичә, бу байқаш арқилиқ дәсләпки динузавурларниң 100 милйон йиллиқ өзгириш җәрянида қандақ қилип тайранасорус, дәп атлидиған вәһши динозавурларға айланғанлиқини чүшәндүрүш мүмкин. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт