Amérika Uyghurliri qurban héyt we yéngi yilni kütüwaldi

Musulmanlarning muqeddes qurban héytini amérika paytexti washin'gton etrapida yashaydighan Uyghurlarmu xushal-xoramliq bilen kütüwaldi. Qurban héytining yéngi yil bilen birge kélishi Uyghurlar üchün téximu xushalliq boldi.

31- Dékabir küni paytext washin'gtonning yénidiki Virginia shitatining Fairfax shehiride amérika Uyghurliri birleshmisi we Uyghur jama'itining teshkillishi bilen qurban héyt we yéngi yilni kütüwélish pa'aliyiti ötküzülgen bolup, buninggha Virginia, Maryland, Nuew York we bashqa shitatlardin kelgen 200 din artuq Uyghur we ularning dostliri qatnashti.

Murasimda Uyghur milliy herikitining rehbiri rabiye qadir xanim nutuq sözlep, jama'etning qurban héytini we yéngi yil bayrimini qizghin tebriklidi shuning bilen bir waqitta yene gerche Uyghurlar yéngi yilni tebriklewatqan bolsimu, lékin minglighan Uyghurlarning xitay türmiliride azap chékiwatqanliqini, Uyghur tili we medeniyitining yoqitilishqa duch kéliwatqanliqini eskertti.

Rabiye qadir 2006-yilining Uyghurlar üchün xelq'ara sehnide körünerlik muweppeqiyetlerni qolgha keltürgen yil bolghanliqini tekitlesh bilen birge, köpchilikning téximu ittipaqliship küresh qilip, 2007-yilida yéngi netijilerni qolgha keltürüshke chaqirdi.Axirida u weten ichi –sirtidiki barliq Uyghur qérindashlirigha salam yollaydighanliqini bildürdi. (Ümidwar)