Йеңишәһәр наһийилик һөкүмәт тор бети сиясий сәвәб түпәйли тақивитилди

Йеңишәһәр наһийисидики уйғурларниң чаршәнбә күни йәткүзгән учурлириға асасән, мәзкүр наһийә һөкүмәт тор бетиниң вақтинчә тақиветилгәнлики ашкариланди.
Мухбиримиз әқидә хәвири
2008-08-20
Share

 Бу тор бетиниң тақиветилиш сәвәби, тор бетигә шәрқий түркистанниң ай юлтузлуқ көк байриқи билән әркинликкә еришиш һәққидики шуари чапланғанлиқтин болуп, дуня уйғур қурултийиниң бу һәқтә бәргән мәлуматиға асасән истансимиз мухбири йеңишәһәр наһийилик һөкүмәт тор бетини тәкшүрүп, тор бетиниң һәқиқәтән тақалғанлиқини байқиди.

Дуня уйғур қурултийиниң баянатчиси дилшат решит, җуңго һөкүмити олимпик җәрянида уйғурларни назарәт астиға елипла қалмай, бәлки түрлүк чариләрни ишқа селип, уларниң интернет тор бәтлиридин пайдилинип, охшимиған пикирлирини баян қилиш әркинликини чәкләватқанлиқини, әмма хитай даирилириниң хәлқниң өз әркинликигә болған ирадисини һәргиз йоқ қилалмайдиғанлиқини тәкитлиди.

Дилшат решитниң билдүрүшичә, йәрлик һөкүмәт, уйғурларниң интернеттин пайдилинип, хәлқарадики уйғур кишилик һоқуқ тәшкилатлириниң паалийәтлиридин хәвәрдар болушидин қаттиқ әндишә қилидикән.

Шуңа хитай, дуня уйғур қурултийи, америка уйғур бирләшмиси қатарлиқ тәшкилатлар тәрипидин тәсис қилинған тор бәтлири билән америкиниң әркин асия радиоси уйғур бөлүминиң тор бәтлирини қаттиқ қамал қилип тосиғандин сирт, мәзкүр тор бәтлирини көргүчиләрни сиясий унсурлар қатарида қаттиқ җазалайдикән.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт