Xristi'an muriti alimjan üstidin yépiq sot échildi

Xitay hökümiti, Uyghur xirsiti'an muriti alimjanni " dölet birlikini parchilashqa qutratquluq qilghan, chégra sirtidikilerni dölet mexpiyetliki bilen teminligen" dégen jinayetler bilen eyiblep, 27 ‏ - may küni qeshqer wilayetlik ottura xelq sot mehkimiside, yépiq sot sheklide sot qilghan.
Muxbirimiz eqide xewiri
2008.05.27

 Istansimizni bu heqte uchur bilen teminligen ishenchilik bir kishining bildürüshiche, alimjan üstidin élip bérilghan sot 6 sa'etke qeder dawamlashqan bolup, mezkür délo pakit yéterlik emes dégen shert bilen, jama'et xewpsizlik idarisigha qayturulup, tekrar tekshürüshke yollan'ghan.

Ikki perzentlik alimjan, qeshqerde chet'el meblighi bilen sélin'ghan bir shirketning mes'uli bolup, uning shirketning iqtisadini yuqiri kötürüshte qoshqan töhpisi körünerlik bolghan, chet'eldiki kishilik hoquq teshkilatliri alimjanning gunahsiz ikenlikini, uning chet'ellikler bilen bolghan hemkarliqidin qattiq endishe qilghan xitay hökümitining uni " dölet birlikini parchilashqa qutratquluq qilghan, chégra sirtidikilerni dölet mexpiyetliki bilen teminligen " dégen bahane bilen qolgha alghanliqini bildürmekte.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.