Uyghur élide yerlerni kötirige bérish yéngi belgilimisi chiqirildi

Seyshenbe küni Uyghur aptonom rayonluq hökümetning 9 - nöwetlik da'imiy hey'et yighinida aptonom rayon re'isi, mu'awin partkom sékritari ismayil tiliwaldining riyasetchilikide "xitayning déhqanchiliq yerlirini kötirige bérish qanun belgilimisi" ni Uyghur élide emeliyleshturush qarar qilindi.

Tengritagh xewer torida melum bolishiche, yéngi belgilime boyiche, ilgiri déhqanchiliq yerlirini kolliktip kötirige bérish yolgha qoyulghan bolsa, nöwette a'ile boyiche kötirige bérish tijariti yolgha qoyilidiken. Shundaqla a'iliside herbiylikke kirgenler bolsa, alahide étibar bérilidiken.

Yerlerni kötirige bérish belgilimisi Uyghur élide tunji qétim 1982 - yili yolgha qoyulghan bolup, munasiwetlik organlar bu siyaset yolgha qoyulghandin buyan, yéza-kentlerdiki kadirlarning hoquqidin paydilinip déhqanlarning kötirige alghan yerlirini öz aldigha qalaymiqan almashturiwétidighan we belgilimige boysunmaydighan ehwallarning körülgenlikini étirap qildi.

Uyghur ziyaliliri 20 yil awalqi Uyghur yézilirining ehwali bilen hazirqi weziyitini sélishturup, Uyghur yézilirini xitaylar köp igilep ketken hazirqidek weziyette, aptonom rayonning bu belgilimisidin xitaylar zor paydigha érishidighanliqini ilgiri sürmekte. (Peride)