Хитай һөкүмити апәт райони әһвалиниң яхшиланғанлиқини илгири сүрмәктә


2004-09-21
Share

Шинхуа агентлиқиниң 21 - сентәбир күни, қәшқәр кона шәһәр, ават йезисидики деһқан әзиз баратниң икки ай илгири аптоном районлуқ һөкүмәттин 3000 йүән, йезилиқ һөкүмәттин 2000 йүән ярдәм елип, йәр тәврәштин мудапиәлинидиған икки еғизлиқ яғач ой салдурғанлиқи һәққидики хәвири елан қилиниши билән тәң кишиләр арисида ғул - ғула пәйда қилди.

1996 -Йилдин буян қәшқәр, йәр тәврәш һәрикити җидди районға айланди, өткән йили 2 -айниң 24 -күни қәшқәрниң пәйзават вә маралбеши наһийилиридә 8 .6 Бал йәр тәврәш йүз берип, хитай һөкүмити елан қилған статистика бойичә, мәзкур йәр тәврәштә 268 адәм һаятидин айрилған вә 17 миң ой йәр астиға көмүлүп қалған шуниңдәк 100 миң адәм макансиз қалған.

Өткән йили 2 -айниң 24 -күни йәр тәвригәндин кейин, аптоном районлуқ һөкүмәт тәкшүрүш елип берип, 2 милйон 510 миң аһалиниң % 80 ниң йәр тәврәшкә тақабил туралмайдиған хәтәрлик өйләрдә яшайдиғанлиқидин хәвәр тапқан.

Чәтәлләрдики уйғур паалийәтчилириниң билдүрүшичә, йәр тәврәш йүз берип, 2 йилдин кейин, макансиз қалған 100 миң кишиниң ичидә, бир уйғур деһқан әзиз баратниң йеңи өйгә көчкәнлики хушаллинарлиқ вәқә һисабланмиғандин сирт, 5000 йүән билән йәр тәврәшкә чидамлиқ икки еғиз яғач ой селиш әқилгә мувапиқ болмиған тәдбир дәп қаралмақта. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт