Қазақистан вә уйғур елиниң чигра раюнида йәр тәврәш вәқәси йүз бәрди


2004-10-28
Share

Уйғур ели билән қазақистанниң чигра раюнида чаршәнбә күни чүштин кийин 5.1 Бал йәр тәвриди. Йәр тәврәшниң мәркизи қазақистан тәрәптә болуп, уйғур елиниң бөритала области аршаң наһийисидин 70 километир йирақлиқта икән.

Хитай даирилириниң мәлуматлириға қариғанда, аршаң наһийисидики аһалиләр йәр тәврәшни күчлүк һис қилған. Наһийә әтрапидики бәзи чарвичилик мәйданлирида қисмән аһалиләрниң өйигә чак кәткән. Бөритала шәһиридиму аһалиләр йәр тәврәшни туйған.

Хәвәргә қариғанда, йәр тәврәштә өлүм - йитим вә ярилиниш әһвали йүз бәргән- бәрмигәнлики техи мәлум болмиған. Йәр тәврәшни һәтта тәврәш мәркизидин 300 километир йирақлиқтики қарамай шәһиридики қисмән аһалиләрму һис қилған.

Әмма хитай даирилири хәвәрдә бу қетимқи йәр тәврәшниң қанчилик адәмниң турмушиға тәсир йәткүзгәнлики вә қанчилик зиян елип кәлгәнлики һәққидә тәпсилий мәлумат бәрмигән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт