Qazaqistan we Uyghur élining chigra rayunida yer tewresh weqesi yüz berdi
2004.10.28
Uyghur éli bilen qazaqistanning chigra rayunida charshenbe küni chüshtin kiyin 5.1 Bal yer tewridi. Yer tewreshning merkizi qazaqistan terepte bolup, Uyghur élining böritala oblasti arshang nahiyisidin 70 kilométir yiraqliqta iken.
Xitay da'irilirining melumatlirigha qarighanda, arshang nahiyisidiki ahaliler yer tewreshni küchlük his qilghan. Nahiye etrapidiki bezi charwichilik meydanlirida qismen ahalilerning öyige chak ketken. Böritala shehiridimu ahaliler yer tewreshni tuyghan.
Xewerge qarighanda, yer tewreshte ölüm - yitim we yarilinish ehwali yüz bergen- bermigenliki téxi melum bolmighan. Yer tewreshni hetta tewresh merkizidin 300 kilométir yiraqliqtiki qaramay shehiridiki qismen ahalilermu his qilghan.
Emma xitay da'iriliri xewerde bu qétimqi yer tewreshning qanchilik ademning turmushigha tesir yetküzgenliki we qanchilik ziyan élip kelgenliki heqqide tepsiliy melumat bermigen. (Arzu)