Уйғур елиниң үч турпан наһийисидә йәр тәвриди


2005-02-15
Share

Уйғур елиниң қирғизистан чегрисидики үч турпан наһийисидә сәйшәнбә күни әтигән 6.2 Бал йәр тәвриди. Йәр тәврәш мәркизи үч турпан наһийисиниң йеңи ават йезисида болуп, йәр тәврәш сәйшәнбә күни әтигән саәт 7:30 лар әтрапида йүз бәргән.

Бу қетимқи йәр тәврәш 2003 - йили 2 - айда уйғур аптоном райониниң маралбеши наһийисидики 6.8 Бал йәр тәврәш вәқәсидин кейин йүз бәргән әң еғир тәврәш болуп һисаплиниду. Маралбешидики йәр тәврәштә 268 адәм өлгән, 20 миң аилә өй макансиз қалған иди.

Үч турпан наһийә базиридики пуқралар, тәврәшдин келип чиққан силкинишни рошән дәриҗидә һис қилған. Тәврәш бир минуттин бир йерим минутқичә давам қилған. Вәқәдә йәр тәврәш районидики бәзи өйләргә дәз кәткән, бир қисим өйләр өрүлгән.

Йәр тәврәш районидики пуқраларниң радиомиз мухбириға билдүрүшичә, вәқәдә һазирғичә өлүм - йетим йүз бәрмигән. Үч турбан наһийилик һөкүмәттики даириләр, тәкшүрүш хадимлириниң йәр тәврәш райониға йолланғанлиқини шундақла йәр тәврәштин келип чиққан мадди зиянлар вә адәм чиқими тоғрисида һазирғичә мәлумат алалмиғанлиқини билдүрди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт