Uyghur élining üch turpan nahiyiside yer tewridi


2005.02.15
Share on WhatsApp
Share on WhatsApp

Uyghur élining qirghizistan chégrisidiki üch turpan nahiyiside seyshenbe küni etigen 6.2 Bal yer tewridi. Yer tewresh merkizi üch turpan nahiyisining yéngi awat yézisida bolup, yer tewresh seyshenbe küni etigen sa'et 7:30 lar etrapida yüz bergen.

Bu qétimqi yer tewresh 2003 - yili 2 - ayda Uyghur aptonom rayonining maralbéshi nahiyisidiki 6.8 Bal yer tewresh weqesidin kéyin yüz bergen eng éghir tewresh bolup hisaplinidu. Maralbéshidiki yer tewreshte 268 adem ölgen, 20 ming a'ile öy makansiz qalghan idi.

Üch turpan nahiye baziridiki puqralar, tewreshdin kélip chiqqan silkinishni roshen derijide his qilghan. Tewresh bir minuttin bir yérim minutqiche dawam qilghan. Weqede yer tewresh rayonidiki bezi öylerge dez ketken, bir qisim öyler örülgen.

Yer tewresh rayonidiki puqralarning radi'omiz muxbirigha bildürüshiche, weqede hazirghiche ölüm - yétim yüz bermigen. Üch turban nahiyilik hökümettiki da'iriler, tekshürüsh xadimlirining yer tewresh rayonigha yollan'ghanliqini shundaqla yer tewreshtin kélip chiqqan maddi ziyanlar we adem chiqimi toghrisida hazirghiche melumat alalmighanliqini bildürdi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.