Yer tewresh apet rayonidiki orunlashturush ishliri teltöküs bolmidi

Xitay metbu'atlirida, 6.2 Bal yer tewrigen üchturpan nahiyisidiki öy-jaysiz qalghan ahalilerning hemmisi nahayiti yaxshi orunlashturulghanliqi heqqide melumat bérilgen bolsimu, emma bizning neq meydandin igiligen uchurlirimizgha qarighanda, apet rayonidiki bir qisim kishiler hazirghiche téxi héchqandaq yardem buyumlirigha érishmigen.

Xitay xewer torining melum qilishiche, deslepki mölcherge qarighanda, bu qétimliq yer tewreshte 89 a'ililikning jem'iy 3500 kwadrat métir da'iridiki öyliri örülüp chüshken hemde 870 a'ilining öyi oxshimighan derijide ziyan'gha uchrighan.

Muxbirimizning neq meydandin igilishiche, yer tewresh apiti yüz bergen rayonlarda kéchiche qar yaghqan bolup, etisi hawa ochuq bolghanliqi sewebidin qarlar érip, yene bir qisim öylerning örülüp chüshüshini keltürüp chiqarghan. (Peride)