Uchturpandiki apetke uchrighan qismen kishiler hazirghiche yardemge érishelmidi
Uchturpan nahiyisining yéngi awat yézisida yer tewresh apitige uchrighan bir qisim kishiler, apettin kéyinki üchinchi kéchinimu özliri yasighan addi chédirlarda we yaki sirtlarda ötküzüshke mejbur bolmaqta.
Seyshenbe küni etigen sa'et besh yérimlarda, uchturpan nahiyiside 6.2 Bal yer tewrigen idi. Xitay metbu'atliri, apette 4259 éghiz öy örülüp chüshüp, 18630 éghiz öyge chak ketkenlikini bildürmekte.
Öz muxbirimizning yerlik ahalilerdin igiligen uchurlirigha qarighanda, yéngi awat yézigha yéqin kentlerdiki öyliri örülüp chüshken kishiler chédir qatarliq yardem buyumlirigha érisheligen.
Biraq, chet kentlerdiki bir qisim kishiler hazirghiche héchqandaq yardemge érishelmigen. Egeshme yer tewreshler yene dawamliq yüz bérip turghanliqi üchün, ular féwral éyidiki qehritan soghuqta, üchinchi kéchinimu addi chédirlar we sirtlarda ötküzmekte iken. (Arzu)
Munasiwetlik maqalilar
- Yer tewresh apet rayonidiki orunlashturush ishliri teltöküs bolmidi
- Uyghur élining üch turpan nahiyiside yer tewridi
- Uyghur élining onsu nahiyiside 4.7 Bal yer tewridi
- Qazaqistan we Uyghur élining chigra rayunida yer tewresh weqesi yüz berdi
- Uyghur élide yene bir Uyghur yashqa ölüm jazasi bérildi
- Dunya metbu'atliridiki Uyghurlar