Üch turpandiki da'iriler qutquzush sommisining azliqidin shikayet qildi

Üch turpandiki yer tewresh weqeside apetke uchrighan puqralarning sani 28 mingdin ashti. Üch turpan nahiyisidiki da'iriler, apet kölimining dawamliq kéngiyiwatqanliqini, apetke uchrighan puqralar sani köpiyiwatqanliqini bildürmekte.

Yerlik hökümet da'irilirining ashkarilishiche, apetke uchrighan puqralar sani 28 mingdin ashqan. Xeterlik dep qaralghan öyler17 mingdin köp bolup, 6 ming éghiz öy weyran bolghan. Üch turpan nahiyilik partkomning sékritari shu ming, " üch turpan yilliqi 10 milyon yü'en iqtisadi kirimi bilen apettin özige tayinip qutulalmaydu," dep qaxshighan.

Shu ming, apet rayonidiki puqralarni turalghu jay , kiyim - kéchek, yéqilghu we yimek - ichmek bilen teminleshke toghra kélidighanliqini bildürüp, üch turpandiki puqralardin bir milyon 400 ming yü'en pul toplighanliqini, biraq buning apet rayonini qayta qurushqa yetmeydighanliqini bildürgen. Üch turpan nahiyisi xitay boyiche eng namrat nahiyilerning biri.

Igilishimizche, üchturpanning imamlirim yézisidiki apetke uchrighan puqralargha chédir tikip bérilgen. Amma hazirgha qeder kündilik turmushqa kéreklik héchqandaq maddi qutquzush buyumi kelmigen. Yéngi awat yézisining bezi kentlerde puqralar panalan'ghudek chédir yoq bolup, qarabagh, qutcha qatarliq kentlerdiki puqralar otun- yaghachlarni yéqilghu qilip issinmaqtiken. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar