Қариқаш наһийисидә 5.4 Бал йәр тәвриди


2005-08-26
Share

Җүмә күни әтигән уйғур елиниң хотән вилайитидә, қариқаш наһийисини мәркәз қилған һалда 5.4 Бал йәр тәвригән. Бәхиткә яриша һазирғичә адәмләрниң зиян-зәхмәткә учраш әһвали байқалмиған.

Хитай хәвәр ториниң үрүмчидин бәргән мәлуматиға қариғанда, бу қетимлиқ йәр тәврәш мәркизи қариқаш наһийисидә болуп, һәтта хотән шәһири вә гума наһийисиму күчлүк тәврәшни һес қилған. Гәрчә һазирғичә адәмләрниң зиян-зәхмәткә учраш әһвали байқалмиған болсиму, әмма қариқаш наһийисидә бир қисим өйләргә дәз кетиш әһвали көрүлгән.

Аптоном районлуқ йәр тәврәш истансисиниң мәлум қилишичә, бу йәр тәврәштин кейин йәнә, мәзкур районда 39 қетим қалдуқ йәр тәвригән. Қалдуқ тәр тәврәшниң әң күчлүки 4.4 Балға йәткән.

Пәйшәнбә күни хотән вилайитигә хошна болған ақсу вилайитиниң ават наһийисидә 5.1 Бал йәр тәвригән иди. Лекин у йәрдиму адәмләрниң зәхмилиниш әһвали көрүлмиди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт