Aqsuning onsu nahiyiside 4.9 Bal yer tewridi

29‏- April küni seherde aqsu wilayitining onsu nahiyiside 4.9 Bal yer tewrep, bu yerdiki charwichiliq bilen shoghullinidighan ahalilerning mal-waranliri ziyan'gha uchrighan. Lékin hazirghiche ademlerning ziyan-zexmet ehwali bayqalmighan.

Xitay xewer torining melum qilishiche, yer tewresh merkizi onsu nahiyisining bozdung qirghiz milliy yézisi we bozdung charwichiliq meydani bolup, yer tewresh sewebidin charwa meydanidiki 40 nechche qotan örülüp chüshüp 270 tuyaq qoy ölgen. Buningdin sirt yene, 64 a'ililikning öylirige oxshimighan derijide dez ketken. Deslepki mölcherleshlerge qarighanda, bu qétimliq yer tewresh apiti sewebidin kélip chiqqan biwaste iqtisadiy ziyan 3 milyon 788 ming yüen'ge yetken.

Bu heqte xitayning tengritagh xewer torimu uchur tarqatqan bolup, igilishimizche uchturpan qatarliq jaylardimu tewresh yüz bergen. Onsu nahiyisi uchturpanning aqyar, yéngi awat qatarliq yézilirigha qoshna bolup, ötken yili uchturpanning yéngi awat, imamlirim yézilirida yer tewresh yüz bérip, éghir ziyan kélip chiqqan idi.

Xewerde munasiwetlik orunlarning hazir qutquzush ishlirini élip bériwatqanliqi körsitilgen emma bu yerge qandaq yardemlerning qiliniwatqanliqi toghrisida melumat bérilmigen. (Peride)