Onsu nahiyisidiki yer tewresh zor iqtisadi ziyan keltürüp chiqardi

• 
  2006-05-02

Uyghur aptonom rayonining onsu nahiyiside 29 - april küni yüz bergen 4.9 Bal yer tewresh bu rayonda 3milyon 800 ming yüenlik iqtisadi ziyan keltürüp chiqarghan. Bu qétimqi yer tewreshning merkizi aqsu wilayitining bozdöng yézisi etrapigha toghra kélidu.

Xitay metbu'atlirining xewer qilishiche, weqede adem ölüsh yaki yarilinish hadisliri körülmigen bolsimu, lékin kélip chiqqan iqtisadi ziyan 3 milyon 800 ming yüen'ge yétidiken.

Uyghur aptonom rayoni bolupmu tengri téghining jenubidiki rayonlar yéqinqi yillardin béri yer tewresh apitining éghir iqtisadi yüki astida qalmaqta. 2004 - Yili maralbéshi nahiyisining chong qorchaq yézisini merkez qilghan yer tewresh weqesi , 160 din artuq puqraning ölüshini keltürüp chiqarghan we chong qorchaq yézisi pütünley dégüdek weyran bolghan idi.

Ötken yili bay nahiyiside yüz bergen yer tewresh bu rayonda nurghun qora jayning örülüshini keltürüp chiqardi. Hökümet da'irilirini tenqid qilghuchilar bu weqelerde da'irilerni sörelmilik qilish, weqege sel qarash, teyyarliqsiz turush we puqralarning hal ehwaligha yetmeslik bilen eyiplimekte.

Lékin xitay da'iriliri bu tenqidlerni ret qilip keldi. Ularning eskertishiche, chong qorchaqtiki yer tewresh weqesidin kéyin hökümet puqralarni yer tewreshke chidamliq öy qurulush pilanini bashlighan. Lékin tenqidchiler, bu pilan hal ehwali aranla kétwatqan dihqanlargha iqtisadi yük bolup qalghanliqini ilgiri sürmekte. (Erkin)