Хотәндә шиддәтлик йәр тәврәш вәқәси йүз бәрди


2008-03-21
Share

Уйғур елиниң хотән вилайитидики керийә наһийиси, чира вә лоп наһийилириниң бир қисим кәнт вә йезиларда җүмә күни әтигән сәһәрдә шиддәтлик йәр тәврәш вәқәси йүз бәрди. Америка геологийилик тәкшүрүш оргини тәврәш күчиниң 7.2 Бал икәнликини елан қилди. Хитай йәр тәврәш идариси тәврәш күчиниң 7.3 Балға йетидиғанлиқини илгири сүрмәктә.

Йәр тәврәш райони керийә вә чира наһийилириниң қара қурум теғи бағридики чәт йеза - кәнтләргә тоғра кәлгән. Йәрлик пуқралар йәр тәврәшниң керийидики луштағ кәнти вә чирийиниң толу кәнтлиридә йүз бәргәнликини, лоп наһийисидики бир қисим йеза - кәнтләрниң тәсиргә учриғанлиқини билдүрмәктә. Хитай йәр тәврәш идариси йәр тәврәш мәркизини хотән шәһириниң 120 километир шәрқий җәнубиға тоғра келиду, дәп елан қилди.

Лекин даириләр йәр тәврәш вәқәсидә өлгәнләр, яридарлар яки келип чиққан мадди зиян тоғрисида һазирға қәдәр мәлумат алалмиғанлиқини, чүнки йәр тәврәш вәқәси йүз бәргән җайлар чәт - йеза - қишлақлар болуп, бу йәр билән телефон алақиси йоқлиқини илгири сүрмәктә. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт