Xotende shiddetlik yer tewresh weqesi yüz berdi


2008-03-21
Share

Uyghur élining xoten wilayitidiki kériye nahiyisi, chira we lop nahiyilirining bir qisim kent we yézilarda jüme küni etigen seherde shiddetlik yer tewresh weqesi yüz berdi. Amérika gé'ologiyilik tekshürüsh orgini tewresh küchining 7.2 Bal ikenlikini élan qildi. Xitay yer tewresh idarisi tewresh küchining 7.3 Balgha yétidighanliqini ilgiri sürmekte.

Yer tewresh rayoni kériye we chira nahiyilirining qara qurum téghi baghridiki chet yéza - kentlerge toghra kelgen. Yerlik puqralar yer tewreshning kériyidiki lushtagh kenti we chiriyining tolu kentliride yüz bergenlikini, lop nahiyisidiki bir qisim yéza - kentlerning tesirge uchrighanliqini bildürmekte. Xitay yer tewresh idarisi yer tewresh merkizini xoten shehirining 120 kilométir sherqiy jenubigha toghra kélidu, dep élan qildi.

Lékin da'iriler yer tewresh weqeside ölgenler, yaridarlar yaki kélip chiqqan maddi ziyan toghrisida hazirgha qeder melumat alalmighanliqini, chünki yer tewresh weqesi yüz bergen jaylar chet - yéza - qishlaqlar bolup, bu yer bilen téléfon alaqisi yoqliqini ilgiri sürmekte. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet